उदिष्ट:- उमेदवारांना उद्योजकाकडे प्रत्यक्ष कार्य प्रशिक्षणाद्वारे रोजगारक्षम करणे.

मुख्यमंत्री युवा कार्य प्रशिक्षण योजनेचे स्वरूपा-

> उद्योजकांना त्यांच्या उद्योगासाठी आवश्यक असणारे मनुष्यबळ कार्य प्रशिक्षण (इंटर्नशिप) द्वारे उपलब्ध करून देण्यात येईल.

योजनेचे ठळक वैशिष्टे:

> बारावी, आय. टी. आय., पदविका, पदवी व पदव्युत्तर शैक्षणिक पात्रता धारण केलेले रोजगार इच्छुक उमेदवार महास्वयम (https://rojgar.mahaswayam.gov.in/) संकेतस्थळावर ऑनलाईन नोंदणी करू शकतील.

> विविध क्षेत्रातील मोठे प्रकल्प, उद्योग/स्टार्टअप्स, विविध आस्थापना इ. यांना आवश्यक असलेल्या मनुष्यबळाची मागणी ऑनलाईन नोंदवतील.

> सुमारे १० लाख कार्य प्रशिक्षण (इंटर्नशिप) च्या संधी प्रत्येक आर्थिक वर्षात या योजनेच्या माध्यमातून उपलब्ध होतील.

> सदर कार्य प्रशिक्षण (इंटर्नशिप) चा कालावधी ६ महिने असेल व या कालावधीसाठी उमेदवारांना शासनामार्फत विद्यावेतन देण्यात येईल.

> सदर विद्यावेतन लाभार्थ्यांच्या थेट बँक खात्यात (DBT) जमा करण्यात येईल.

आस्थापना /उद्योजकासाठी पात्रता

> आस्थापना / उद्योग महाराष्ट्र राज्यात कार्यरत असावा.

> आस्थापना / उद्योजकाने कौशल्य, रोजगार, उद्योजकता व नाविन्यता विभागाच्या संकेतस्थळावर (https://rojgar.mahaswayam.gov.in/) नोंदणी केलेली असावी.

> आस्थापना / उद्योगाची स्थापना किमान ३ वर्ष पूर्वीची असावी.

> आस्थापना / उद्योगामध्ये किमान २० मनुष्यबळ कार्यरत असावे,

> आस्थापना / उद्योगांनी EPF, ESIC, GST, Certificate of incorporation, DPIT व उद्योग आधारची नोंदणी केलेली असावी.

उमेदवारांची पात्रताः

> उमेदवाराचे किमान वय १८ व कमाल ३५ वर्ष असावे.

> उमेदवाराची किमान शैक्षणिक पात्रता १२ वी पास/ आयटीआय/पदविका/पदवीधर / पदव्युत्तर असावी.

> उमेदवार हा महाराष्ट्राचा अधिवासी असावा.

> उमेदवाराचे आधार नोंदणी असावी.

> उमेदवाराचे बैंक खाते आधार संलग्न असावे

• उमेदवाराने कौशल्य, रोजगार, उद्योगजगता व नाविन्यता विभागाच्या संकेतस्थळावर

(http://rojgar.mahaswayam.gov.in/) नोंदणी केलेली असावी.

 

शैक्षणिक अर्हतेप्रमाणे विद्यावेतनाचे विवरण खालील प्रमाणे असेल.

अ.क्र.	शैक्षणिक अर्हता	प्रतिमाह विद्यावेतन
१	१२ वी पास	६०००/-
२	आय.टी.आय/ पदविका	८०००/-
३	पदवीधर / पदव्युत्तर	१००००/-